Tēnā koutou katoa! Kei te tonoa e au āku mihi ki a koutou katoa i runga i te 50 o ngā tau o te Petihana Reo Māori, ā i te 35 o Te Taura Whiri i te Reo Māori! Ko au tētahi o ngā kaimahi tūturu o Te Taura Whiri. I tērā wa, mai i te tau 1987, e mahi kairangahau ana au i te maru o ngā tōtara rārahi – o Matutaera, Te Heikōkō, Anita, Rei, Tīmoti, Ērima, Mātene, Wareko, o rātou ko Kura. Kia au te moe o ērā kua hinga kē, ā kia mau tonu te tū o ēnei e tū anō ana. I tōku ekenga ki te Taura Whiri mahi ai, kātahi anō au ka hoki tata nei ki Aotearoa hei tākuta wetereo hōu. Te whakamīharo hoki ōku ki te wana o te katoa o ngā kaiwhiri, kaimahi nā runga i te whai tikanga o tēnei mea, te whakawhanake haere i te reo! Me whai tonu te wana nā ki roto ki tō koutou kapa, ā haere ake nei… Kei Washington DC tōku nohonga o nāianei. Ahakoa te noho mamao i Aotearoa nā, kei te here ita tonutia te hinengaro ōku ki te reo.
Heoi anō…
Nāku noa, nā Te Mauritau
References: https://natlib.govt.nz/records/21932908; https://natlib.govt.nz/records/21685545
