I nanahi rā (17/09/22), i tū mārō Te Wharekura o Te Whānau Tahi, mō ngā whakataetae kapahaka ā-motu, i Ō-tautahi nei. Inā te rere o te arero tūpuna i aku tamāhine (e whakaahuatia nei) otirā i ngā kura katoa i tū, me taku whakaaro ake ki te whawhai nui i whawhatia e ō tātau taringa hurihuru, kia pūmau ai te reo ki ngā ngākau o te āpōpō. E whakapono nui ana ahau kua ea tērā wawata, i a tātau tamariki, mātua rā, i te tokorua e iri mai nei. Anei te tauā reo Māori o te ānamata!
Share how you celebrated
Share what you did for Te Wiki o te Reo Māori 2023. This will go on to become a showcase of how we celebrate te reo as a nation.
Kahu Roberts
Te Wiki te Reo Māori 2023 pledge
Ako | Learn
Ko taku aronga ki te wero nei, kia whakaakona aku tamariki ki ngētehi waiata tawhito/mōteatea nō te hau kāinga, e TINO whiwhita ai ngā kōrero whakapapa/kōrero tuku iho ki te iho o te ngākau. He ngāwari noa te whakaako ki a rātau ngā waiata koroua (me te tere mau hoki), wheoi ko te wero nui kia MĀRAMA ki ngā kupu e waiatatia ana, me te tātai tika i ngā whakapapa o roto. E whakapono ana ahau, koinei hei matapihi ki ō itainehe rā.
Individual profile pages show some of the contributions you make to the Māori language movement. You can make your own profile page and share your Māori language journey.
