He kākano ahau I tupu mai i raro i ngā whare teitei o ngā taone nui, ngā taone roa
Ka rere noa te aroha I a au e tamariki ana engari kei hea ra taku whenua, kei te ngahere rino au e noho ana, kahore he marae he makitanara kē, kahore he puna wai, he toa wai piro ke atu, ahakoa te pēhitanga te tāmitanga ka karanga mai he reo kei haku taringa, e mohio ana taku wairua ki a ia, e mohio ana ia ki a au ki a tātou, ko hea tērā mounga e tu mai ra, ki Taranaki pea
Nukunuku mai nekeneke mai. E kore au e ngaro, Kumaea mai au e te mounga I mua I tōna aroaro, Ko te mounga titohea e tu mai ra me kore ake au e tu titohea ana ki te Ngahere rino.
