Ko te reo Māori te puna o te ora, te kaha, te wairua, te tuakiri, te oranga tonutanga mō te iwi Māori. He oranga ngākau te kite iho i te tokomaha o te hunga kei te kōrero māori mō te wiki o te reo Māori. E tino rongo ana i te aroha kua toia mai ki runga i te iwi Māori. I te wiki nei, ka kimi ara māua ko taku ipo ki te whakatairanga i te reo Māori, ki te tautoko i tā māua pēpē a Akaea kia arero Māori ai te whānau. Ko te putanga mai o ngā mahi nei ko te ako tahi a Māmā, Pāpā me Pēpē ki te whakatuarā i tō tātou reo Māori.