Tēna koutou mokopuna mā
Ko tō Nāni tēnei. I tuhi au i tēnei pātuhi i te tau 2025. E ono tekau mā ono ōku tau. Ina kite koutou i tēnei pātuhi, kua mene atu māua ko Pāpa ki te pō.
Kia kaha e aku mokopuna mā, kia kaha ki te ako i te reo Māori me ōna tikanga, hei tū kaha koutou i te Ao Mārama. Nā te mea he tūpuna Māori tō koutou, he Māori hoki koutou.
Ko te tūmanako, e mōhio ana koutou ko wai koutou.
He uri koutou nō Ngāti Rēhia, nō Ngāti Kurī, nō Ngāpuhi nui tonu.
Ko Te Tii tō koutou kāinga tūturu.
Ko Te Tii, ko Mangōnui, ko Te Awa o ngā Rangatira, ko Takou ngā awa.
Ko Mataatua te waka.
Ko Whitiora, ko Hiruharama, ko Takou ngā marae.
Ko Tareha tō koutou tūpuna.
Ko Ngāti Rēhia te hapū.
Ko Ngāpuhi te iwi.
Tīhei Mauri Ora!
Arohanui ki a koutou, āku mokopuna mo ake ake tonu
Nā tō Nāni Rowena rāua ko tō Pāpa a Mal.
