Petina Winiata

Petina's completed challenges:

Te Wā Tuku Reo Māori 2020

#Kaitahi - Matariki 2021

Groups Petina is connected with:

Petina is not connected with any groups yet.

Make your own profile page and share your Māori language journey.

Create a profile

Activities

E tū ana a Te Rangataioho, (he rōpū taiohi e ako ana i te Whanganuitanga me tōna mita), ki te kīnaki i tā rātou mihi ki a Kiritahi Firmin o Kimiora Trust. Nā te Trust i tautoko ā mātou wānanga e whā ki te pūtea. I haere atu a Te Rangataioho ki te ngaki i te māra o te Trust. Nā te reo, nā te mita o Whanganui i kotahi ai mātou. Karawhiua e ngā taiohi tētehi ngeri nā Ruka Broughton matua. Tini whetū ki te rangi, ko Te Rangataioho ki te whenua. Arohatia te reo 😁

Petina

I haere atu māua ko taku mokopuna a Hinetaiohorere ki te whakaaturanga o Ahi Kā i tū ki te wahapū o Pōneke. He mīharo rawa te whakatinanatanga o te ahi. He rawe te waihanga rātana ki te taha o te marea i hui atu ki reira ki te whakanui i a Matariki. Pārekareka hoki te whakamahi i ngā kupu Māori ki tēnā pou, ki tēnā pou, tae noa ki ngā pou ahi e muramura ana i ngā kōrero mō Matariki me āna tamāhine. Ka mihi ki ngā kaiwaiata, ki ngā kaimahi hoki me te wairua harikoa i hōrapa ki waenganui i ngā tāngata katoa. Tēnā koutou katoa. Mānawatia a Matariki!

Petina

I te Wiki o Te Reo Māori 2020 ka mīharo au i te titonga waiata hou a ngā tamariki o te akomanga Pā Harakeke Tēina o Te Kura Kaupapa Māori o Te Ātihaunui a Pāpārangi ki Whanganui. Nā rātou, nā ngā Tau 5, Tau 6 o te Kura i tito ngā kupu ki te whakaahua i tō rātou aroha ki te reo, mō te reo, ki te ako hoki i te reo. Nā tō rātou pouako nā Rama Ashford rātou i ārahi, engari nā ngā tamariki ngā kupu, te rangi me ngā whakamārama. Tangi ana te ngākau engari ihiihi ana. E mihi ana ki ngā rangatira mō te āpōpō.

Petina

Nā te reo ahau i ora ai, māku hoki te reo e whakarauora

Petina

This post is in moderation. Only you can see this because you are the author.

Nā te reo ahau i ora ai, māku hoki te reo e whakarauora