He Uri ahau nō Te Takapu o Tapuika. Nō ngā wai rererere o te awa nui o Kaituna. Mai Okere tae tonu atu ki ngā ngaru moana o Maketū. Ki reira tōku waka a Te Arawa i tau.
Mawhiti atu ki te moana o Tauranga. Ki reira tetahi o ōku tini maunga a Mauao e tū ana. He Uri hoki ahau nō Ngā Pāpāka o Rangataua. Mataatua ki te hoe!
Ka huri taku titiro ki te Tai Tokerau. Ki te Hokianga nui a Kupe. Ki tōku poupou, te maunga Whiria, Te Paiaka o te Riri te kawa o Rahiri e. He Uri ahau nō Ngati Hau me Ngati Kaharau.
Kei Tāpikitū te moengaroa o tōku Pāpā, Eparaima Hauraki.
Kei Kenana te moengaroa o tōku Māmā, Catherine Hauraki (nee Moke). Na ta rāua aroha, ka tū nei ahau, Chelsea Te Whango Hauraki.
Comments