Ko tō tātou reo Māori he reo tuku iho i o tātou mātua tūpuna, he reo kāmehameha, he reo rangatira. Ki te whakanui ahau i te reo Māori, ka maumahara ahau i ōku tūpuna, i ōku mātua, i ngā toa o te Reo i o rātou rā, ā, ka ora anō rātou. I tēnei tau kei mua, kei muri, kei runga, kei raro i oku whakaaro ko Kōka Kēri Kaa ko ia tērā i poipoi, i whakatenatena ahau kia ū ki tēnei ara o te kaiako. E kore e warewaretia tēnei wahine toa ko ia tērā i pakanga, te pakanga nui mō mātou āna ākonga Māori ki Ako Pai. E hia kē ngā kaiako kua whakaaweawe e te kuia nei, kāti rā e kore te puna o mihi e mimiti noa.
Comments