Tena koutou.

Ko Waiheke Murray tōku ingoa he uri ahau nō Ngāti Manawa me Ngāti. Awa, Kai Murupara au e noho Kai Toi Te Ora (Public Health-BOPDHB) au e mahi ana hai Kaiwhakawhanake Hauora. Ko māua ko te pou oranga anake ngā Māori ki konei, ã, ko te toenga he pãkeha he tauiwi. Ko te nuinga o ngā kaimahi e ngakaunui ana ki te Reo me ōna tikanga, ā i puta te whakaaro me pēhea te tautoko I a rātou ki te whakanuia I “te wiki o te reo māori.” Nō reira I whakarite au nga mahi mo te wiki hai ako mā rātou mā te īmera, ia rā I tukuna e au tētahi kiwaha o te rå, tētahi Kupu o te rā, tētahi whakatauki/ whakatauaki o te rā e hãngai ana ki tō mātou nei mahi, waihoki I hono mātou ki te huitopa ia poupoutanga o te rā ki te whakarongo ki ngā kauhau ngā pūrakau o te rohe o te Waiariki, nā ngā kaumatua o tēnei waahi e tohaina ki a mātou. Hai apopo kua whakaritea e au he wāhanga Kahoot hai whakamatauria I wā rātou mōhiotanga mō ngā mahi kua ākonga e rātou mo tēnei wiki :) inaianei ko te êtahi o ngā hua kua puta mai, kei te hiahia rātou ki te haere tonu I ngā akona Reo :)